آرمی چیف فیلڈ مارشل سید عاصم منیر کہا ہے کہ افغان طالبان حکومت نے بھارتی سرپرستی یافتہ دہشت گرد گروہوں کے خلاف کارروائی کے بجائے انہیں ہر ممکن سہولت فراہم کی۔
پاک فوج کے شعبۂ تعلقاتِ عامہ آئی ایس پی آر کے مطابق آرمی چیف فیلڈ مارشل سید عاصم منیر نے پشاور میں قبائلی عمائدین کے جرگے سے ملاقات کی۔
اس موقع پر آرمی چیف نے جرگے سے خطاب کرتے ہوئے قبائلی عوام کی غیر متزلزل حمایت کو سراہا اور حالیہ پاک افغان کشیدگی کے دوران سیکیورٹی فورسز کے ساتھ تعاون پر قبائلی عوام کو خراجِ تحسین پیش کیا۔
پشاور کور ہیڈکوارٹرز میں آرمی چیف کو خطے کی موجودہ سیکیورٹی صورتِ حال اور آپریشنل تیاریوں پر بریفنگ دی۔
فیلڈ مارشل عاصم منیر زبردست فائٹر، شہباز شریف عظیم انسان، 250 فیصد ٹیرف کی دھمکی دیکر پاک بھارت ایٹمی جنگ رکوائی، ٹرمپ
کراچی امریکی صدرڈونلڈ ٹرمپ نے دعویٰ کیا ہے کہ...
اپنے خطاب میں آرمی چیف فیلڈ مارشل سید عاصم منیر نے کہا کہ پاکستان اپنے تمام ہمسایہ ممالک خصوصاً افغانستان کے ساتھ امن چاہتا ہے لیکن اپنی سر زمین پر افغان سر زمین سے دہشت گردی برداشت نہیں کرے گا۔
انہوں نے کہا کہ گزشتہ چند برسوں میں پاکستان نے افغانستان کے ساتھ تعلقات بہتر بنانے کے لیے سفارتی اور معاشی اقدامات کیے، افغان طالبان حکومت نے بھارتی سرپرستی یافتہ دہشت گرد گروہوں کے خلاف کارروائی کے بجائے انہیں ہر ممکن سہولت فراہم کی۔
آرمی چیف فیلڈ مارشل سید عاصم منیر نے دہشت گردی کے خلاف جنگ میں خیبر پختون خوا کے بہادر عوام کی قربانیوں اور عزم کو سراہا۔
آئی ایس پی آر کے مطابق قبائلی عمائدین نے آرمی چیف کے واضح مؤقف کو سراہا اور کہا کہ خیبر پختون خوا کے عوام امن و استحکام کے لیے پاک فوج کے ساتھ ہیں، فتنہ خوارج کی گمراہ کن سوچ کو قبائل میں کوئی پزیرائی حاصل نہیں۔
قبائلی عمائدین نے دہشت گردی کے خلاف پاک فوج کی مکمل حمایت کے عزم کا اعادہ کیا اور افغان طالبان کے خلاف بھی واضح مؤقف اختیار کیا۔
آئی ایس پی آر کے مطابق آرمی چیف کی پشاور آمد پر کور کمانڈر پشاور نے ان کا استقبال کیا۔
发表于 2025-11-3 20:01:49
فوٹو: آئی ایس پی آر 
