امریکا نے کولمبیا کے صدر پر ملک میں منشیات کی اسمگلنگ میں اضافہ کرنے کا الزام عائد کردیا۔
غیرملکی میڈیا کے مطابق امریکی وزیرِ خزانہ اسکاٹ بیسنٹ نے الزام لگایا ہے کہ کولمبیا کے صدر گستاؤ پیٹرو کی حکومت آنے کے بعد ملک میں کوکین کی پیداوار میں اضافہ ہوگیا ہے، جس سے امریکا میں کوکین کے استعمال میں اضافہ ہوگیا ہے۔
ٹرمپ نے کولمبیا کے صدر کو غیر قانونہ منشیات کا عالمی رہنما قرار دے دیا
امریکی صدر ڈونلڈ ٹرمپ نے کولمبیا کے صدر گستاؤ پیٹرو کو غیر قانونہ منشیات کا عالمی رہنما قرار دے دیا اور کہا ہے کولمبیا کو اب امریکی سبسڈیز نہیں دی جائیں گی۔
اسکاٹ بیسنٹ نے کہا کہ کولمبیا کے صدر نے اپنے ملک میں منشیات کے دھندے میں ملوث مافیاز کو پنپنے کا موقع دیا ہے۔
امریکی وزیرِ خزانہ نے مزید کہا کہ آج امریکی صدر ڈونلڈ ٹرمپ نے اپنے ملک کے لیے سخت قدم اٹھا کر یہ واضح کردیا کہ امریکا میں منشیات کی اسمگلنگ اب نہیں چلے گی۔
发表于 2025-11-3 19:56:51
