|
|
اداکارہ رابعہ کلثوم نے حال ہی میں اپنے شوہر اداکار ریحان ناظم کے ساتھ ایک پوڈکاسٹ میں شرکت کے دوران شادی اور اعتماد کے موضوع پر کھل کر گفتگو کی ہے۔
رابعہ کلثوم کا کہنا تھا کہ رشتہ اسی وقت مضبوط رہتا ہے جب دونوں فریق ایک دوسرے پر مکمل بھروسہ کریں۔ رابعہ کلثوم کے مطابق، ان کے اور شوہر کے درمیان کبھی اعتماد کے مسائل پیدا نہیں ہوئے کیونکہ ان کی بنیاد باہمی احترام اور سمجھ بوجھ پر قائم ہے۔
شادی کے رشتے میں مرد یا عورت کی جانب سے بےوفائی کے حوالے سے اداکارہ کا کہنا تھا کہ اگر کوئی شخص دھوکہ دینا چاہے تو اسے کوئی روک نہیں سکتا، چاہے آپ اس کے فون چیک کریں یا اس پر مسلسل نظر رکھیں۔
انہوں نے مزید کہا کہ وفاداری دباؤ یا نگرانی سے نہیں بلکہ نیت اور کردار سے آتی ہے۔ ان کا کہنا تھا کہ وہ ایسی خاتون نہیں جو کسی کو اپنی حدود سے آگے بڑھنے کا موقع دیں، اور اگر کوئی ایسی حرکت کرے تو وہ سخت ردِعمل دینے سے بھی نہیں ہچکچائیں گی یہ بات ان کے شوہر بھی جانتے ہیں کیونکہ انہیں مجھ پر پورا یقین ہے۔
رابعہ کلثوم نے اس بات پر زور دیا کہ باہمی اعتماد اور عزت و احترام ہی کسی شادی شدہ رشتے کی بنیاد ہے اور جب تک یہ قائم رہے، رشتہ مضبوط اور پائیدار رہتا ہے۔ |
|
发表于 2025-10-28 17:36:23