|
|
وزیرِ اعلیٰ خیبر پختونخوا سہیل آفریدی کا کہنا ہے کہ مجھے وزیرِ اعلیٰ پنجاب مریم نواز نے مبارکباد تو نہ دی، ہمارے لیے گندم بند کر دی، گندم بند کرنے سے خیبر پختونخوا میں آٹے کا بحران ہے۔
راولپنڈی کی اڈیالہ کے باہر میڈیا سے گفتگو کرتے ہوئے انہوں نے کہا کہ مجھے وزیرِ اعلیٰ بلوچستان اور بے شمار لوگوں نے مبارک باد دی، وزیرِ اعلیٰ سندھ اور گورنر سندھ کی جانب سے مبارکباد کے لیے کال آئی، پتہ نہیں تھا کہ ہر شخص کی مبارک باد کی پریس ریلیز جاری کرنا ہوتی ہے۔ 
وزیرِ اعلیٰ کے پی سہیل آفریدی کی اڈیالہ جیل آمد، پی ٹی آئی کارکن آپس میں لڑ پڑے
راولپنڈی میں وزیرِ اعلیٰ کے پی سہیل آفریدی کی اڈیالہ جیل آمد کے موقع پر پی ٹی آئی کارکن آپس میں لڑ پڑے۔ 
سہیل آفریدی نے کہا کہ بانیٔ پی ٹی ائی کا نامزد کردہ اور بنایا گیا وزیرِ اعلیٰ ہوں، مجھے ان سے ملنے دیا جائے تاکہ میں پالیسی گائیڈ لائن لے سکوں، یہ سوال نہ کریں کہ مجھے اگر ملنے نہ دیا گیا، یہ پوچھیں ملنے کیوں نہیں دیا جا رہا؟
ان کا کہنا ہے کہ ان حکمرانوں سے سوال ہونا چاہیے کہ ڈنڈے کے زور پر سب ہو رہا ہے، مگر آئین و قانون کی بالادستی نہیں، کور کمانڈر مبارکباد دینے کے لیے میرے پاس آئے تھے۔
وزیرِ اعلیٰ خیبر پختونخوا سہیل آفریدی نے کہا کہ میگا کرپشن اسکینڈل سے متعلق جب کابینہ بنے گی تو جواب دوں گا، ہم ملاقات سے متعلق توہینِ عدالت کے کیس کی طرف جا رہے ہیں۔ |
|
发表于 2025-11-3 19:58:53