بحرین میں جاری ایشین یوتھ گیمز میں پاکستان نے والی بال ایونٹ کے فائنل کیلئے کوالیفائی کرلیا ہے۔ سیمی فائنل میں پاکستان یوتھ والی بال ٹیم نے انڈونیشیا کو 3۔1 سے شکست دی۔
بحرین کے عیسیٰ اسپورٹس ہال میں پاکستان اور انڈونیشیا کے درمیان ایشین یوتھ گیمز میں والی بال کا سیمی فائنل 1 گھنٹہ 34 منٹ جاری رہا، جس میں دونوں ٹیموں کے درمیان سنسنی خیز مقابلہ ہوا۔
ایشین یوتھ گیمز والی بال: پاکستان نے سعودی عرب کو شکست دیدی
ایشین یوتھ گیمز والی بال میں پاکستان کی کامیابیوں کا سلسلہ جاری ہے، گرین شرٹس نے ٹاپ 8 کلاسی فیکشن راؤنڈ کے دوسرے میچ میں سعودی عرب کو شکست دے دی۔
میچ کا پہلا سیٹ انڈونیشیا نے 22-25 سے جیتا لیکن اس کے بعد پاکستان نے کم بیک کرکے مسلسل 3 سیٹس جیتے، دوسرے اور تیسرے سیٹ میں پاکستان کو زیادہ مزاحمنت نہ ملی۔
چوتھے سیٹ میں انڈونیشین پلیئرز نے خوب کھیل پیش کیا لیکن وہ پاکستان پر برتری نہ لے سکے، یوں پاکستان نے سیمی فائنل میچ 22-25, 25-13, 25-19 اور 26-24 کے اسکور سے اپنے نام کرلیا۔
ایونٹ کے فائنل میں پاکستان کا مقابلہ ایران سے ہوگا، پاکستان والی بال فیڈریشن ٹیم سے گولڈ میڈل کیلئے پر امید ہے۔
发表于 2025-11-3 19:57:02
