بھارتی کبڈی ٹیم کا کھلاڑی دوستوں کے ساتھ جھگڑے میں قتل کردیا گیا
https://jang.com.pk/assets/uploads/updates/2025-10-31/1524520_4148545_tejpal_updates.jpgتیج پال سنگھ اپنے دو دوستوں کے ساتھ جاگراؤں علاقے میں ایک فیکٹری کی طرف جا رہا تھا کہ راستے میں پرانی رنجش پر ان کے درمیان تکرار شروع ہو گئی۔فوٹو بھارتی میڈیابھارتی ریاست پنجاب کے شہر لدھیانہ میں قومی سطح کے کبڈی کھلاڑی کو دوستوں کے ساتھ جھگڑے کے دوران گولی مار کر قتل کردیا گیا۔
پولیس کے مطابق 26 سالہ تیج پال سنگھ اپنے دو دوستوں کے ساتھ جاگراؤں علاقے میں ایک فیکٹری کی طرف جا رہا تھا کہ راستے میں پرانی رنجش پر ان کے درمیان تکرار شروع ہو گئی۔
تکرار کے بعد جھگڑا شدت اختیار کر گیا، اسی دوران ایک نامعلوم شخص، جو تیج پال کے دوستوں میں سے کسی کے ساتھ موجود تھا، نے پستول نکال کر تیج پال کے سینے میں گولی مار دی۔
فائرنگ کا یہ واقعہ سینئر سپرنٹنڈنٹ آف پولیس کے دفتر سے کچھ فاصلے پر پیش آیا۔ خون میں لت پت تیج پال کو اسپتال لے جایا گیا، لیکن وہ راستے میں ہی دم توڑ گیا۔
پولیس کا کہنا ہے کہ فائرنگ کرنے والے حملہ آور کی تلاش جاری ہے۔
页:
[1]