کراچی مخالف بیان، صبا قمر نے ناقدین کو جواب دے دیا
https://jang.com.pk/assets/uploads/updates/2025-10-30/1524139_600992_2_updates.jpgفائل فوٹو
پاکستان کی معروف اداکارہ صبا قمر نے اپنے کراچی مخالف بیان پر تنقید کرنے والوں کو جواب دے دیا۔
صبا قمر ایک حالیہ بیان کے باعث سوشل میڈیا پر تنقید کی زد میں آگئیں، اداکارہ نے اپنے ایک انٹرویو میں کراچی منتقل ہونے سے متعلق سوال پر ایسا تبصرہ کیا جس نے شائقین کو ناراض کر دیا۔
انٹرویو کے دوران جب صبا قمر سے پوچھا گیا کہ کیا وہ کبھی کراچی منتقل ہونے کا سوچیں گی تو انہوں نے فوراً کہا، ’استغفراللّٰہ‘۔
اداکارہ کے اس جملے پر کراچی کے رہائشیوں اور مداحوں نے برہمی کا اظہار کیا، بہت سے افراد نے ان سے معافی کا مطالبہ کیا اور کہا کہ وہ اس شہر کے بارے میں منفی بات کر رہی ہیں جہاں وہ خود کام کرتی ہیں۔
مسلسل تنقید کے بعد صبا قمر نے ردِعمل دیتے ہوئے انسٹاگرام پر وضاحت پیش کردی۔https://jang.com.pk/assets/uploads/updates/2025-10-30/1524139_9838858_Untitled-2_updates.jpg
انہوں نے لکھا، ’بریکنگ نیوز: میرے بھی احساسات ہیں اور آراء ہیں، حیران کن ہے ناں! لیکن ان شہ سرخیوں کے علاوہ درحقیقت میرے پاس پورے کرنے کیلئے کام ہیں۔‘
https://jang.com.pk/assets/uploads/updates/2025-10-27/1523253_112152_updates.jpg
صبا قمر کے کراچی سے متعلق بیان پر مداح برہم
صبا قمر نے نجی ٹی وی کے پوڈ کاسٹ میں شرکت کے دوران کراچی سے اپنی ناپسندیدگی کا اظہار کیا تھا۔ https://jang.com.pk/assets/front/images/jang-icons/16x16.png
دوسری جانب اداکارہ عفت عمر نے بھی صبا قمر کی حمایت کی اور کہا، ’کسی کو زبردستی کسی شہر سے محبت پر مجبور کیوں کیا جائے؟ کراچی گندا ہے۔‘
صبا قمر کے بیان اور عفت عمر کی حمایت کے بعد سوشل میڈیا پر بحث مزید شدت اختیار کر گئی، کچھ صارفین ان کی رائے کو ذاتی پسند و ناپسند قرار دے رہے ہیں، جبکہ دیگر اسے کراچی کے خلاف تعصب سمجھ رہے ہیں۔
页:
[1]