ملائیکہ اروڑا نے خود کو 52 سالہ قرار دینے پر کیا کہا؟
https://jang.com.pk/assets/uploads/updates/2025-10-29/1523938_5776691_malika-arora_updates.jpgملائیکہ اروڑا—فائل فوٹوبالی ووڈ اداکارہ اور ماڈل ملائیکہ اروڑا نے حال ہی میں گوا میں اپنی 50 ویں سالگرہ منائی اور انسٹاگرام پر پارٹی کی تصاویر شیئر کیں، ان کی سالگرہ کی تقریب میں ان کے بیٹے ارہان خان، بہن امریتا اروڑا، قریبی دوست اور عزیز شریک ہوئے۔
بھارتی میڈیا کے مطابق اس موقع پر کچھ سوشل میڈیا صارفین نے ملائیکہ کی عمر کے حوالے سے تنازع کھڑا کر دیا، جس سے فوری ہی سوشل میڈیا پر ویڈیوز کا طوفان آ گیا جن میں کہا جا رہا تھا کہ وہ 52 سال کی ہیں، تاہم جب ملائیکہ نے اپنی سالگرہ کی تصاویر پوسٹ کیں تو یہ واضح کر دیا کہ وہ درحقیقت 50 سال کی ہو چکی ہیں۔
ملائیکہ اروڑا نے ایک انٹرویو میں کہا ہے کہ آج کی خواتین اب اصولوں کو ازسرِنو لکھ رہی ہیں، اُس حد سے کہیں آگے جو کبھی ان کے لیے مقرر کی گئی تھی، وہ اپنی جگہ خود بنا رہی ہیں، عمر میں اضافے نے مجھے یہ سکھایا ہے کہ مجھے اپنی کہانی خود لکھنی چاہیے، کسی کو یہ حق نہیں کہ وہ آپ کے لیے حدیں مقرر کرے، اب میں عمر کو اعزاز سمجھتی ہوں، یہ دانائی، مضبوطی اور اعتماد کی علامت ہے۔
اداکارہ نے کہا کہ ہماری انڈسٹری کی ہر خاتون نے اس دباؤ کو محسوس کیا ہے کہ ان کی ایک مخصوص شیلف لائف ہوتی ہے، خاص طور پر جب بات رقص یا پُرکشش کرداروں کی ہو۔
انہوں نے کہا کہ جب میں جوان تھی تو مجھے فکر رہتی تھی کہ میں یہ کام کب تک کر سکوں گی، مگر اب میرا نظریہ مکمل طور پر بدل چکا ہے، وقت کے ساتھ میں نے سمجھا ہے کہ صلاحیت، دلکشی اور موجودگی کو کسی وقت میں قید نہیں کیا جا سکتا۔ https://jang.com.pk/assets/uploads/updates/2024-01-02/1305774_074333_updates.jpg
دوسری شادی کے بعد ارباز نے سابق اہلیہ ملائیکہ اروڑا کو انسٹاگرام پر ان فالو کر دیا
بالی ووڈ اداکار اور سلمان خان کے چھوٹے بھائی ارباز خان نے اپنی دوسری شادی کے بعد اپنی سابقہ اہلیہ ملائیکہ اروڑا کو اپنے انسٹاگرام پر ان فالوز کر دیا۔https://jang.com.pk/assets/front/images/jang-icons/16x16.png
واضح رہے کہ ملائیکہ اروڑا نے اپنے کیریئر کا آغاز ایم ٹی وی انڈیا میں ایک وی جے کے طور پر کیا تھا اور بعد میں ماڈلنگ کی دنیا میں داخل ہوئیں، 1998ء میں انہوں نے شاہ رخ خان کے ساتھ مشہور گانے ’چل چھیا چھیا‘ میں پرفارم کیا تھا اور ایک پاپ کلچر آئیکون بن گئی تھیں۔
ملائیکہ اپنی رقص کی بہترین مہارت کے لیے مشہور ہیں اور بالی ووڈ کے کئی مشہور گانوں میں جلوہ گر ہو چکی ہیں، جن میں دبنگ کا گانا ’منی بدنام ہوئی‘ اور ہاؤس فل 2 کا گیت ’انارکلی ڈسکو چلی‘ شامل ہیں۔
页:
[1]