فائزہ ثقلین کا مایا علی پر ڈیزائنز چوری کرنے کا الزام
https://jang.com.pk/assets/uploads/updates/2025-10-29/1523867_6468546_4_updates.jpgفائل فوٹوز
معروف پاکستانی فیشن ڈیزائنر فائزہ ثقلین نے اداکارہ اور فیشن برانڈ کی مالک مایا علی پر اپنے لباس کے ڈیزائنز نقل کرنے کا الزام عائد کر دیا۔
فائزہ ثقلین پاکستان کی صفِ اول کی ڈیزائنرز میں شمار ہوتی ہیں، ان کا فیشن لیبل ملک بھر میں مقبول ہے اور ان کے ملبوسات متعدد اے لسٹ شوبز شخصیات زیبِ تن کر چکی ہیں۔
ان کے کیریئر کا ایک نمایاں لمحہ اداکارہ ماہرہ خان کے ساتھ کیا گیا فیشن کیمپین تھا، جسے خوب سراہا گیا۔
فائزہ ثقلین اور مایا علی کے درمیان ایک زمانے میں گہری دوستی نظر آتی تھیں، دونوں ناصرف ایک دوسرے کے پروگراموں میں شریک ہوتی تھیں بلکہ ان کے تعلقات خاندانی نوعیت کے قرار دیے جاتے تھے۔
تاہم، تعلقات اس وقت کشیدہ ہو گئے جب مایا علی نے اپنا فیشن برانڈمایا پریٹ （Maya Pret） لانچ کیا، جو فارمل ویئر میں مہارت رکھتا ہے۔ https://jang.com.pk/assets/uploads/updates/2025-10-29/1523867_82063_Untitled-2_updates.jpghttps://jang.com.pk/assets/uploads/updates/2025-10-29/1523867_8364353_Untitled-21_updates.jpghttps://jang.com.pk/assets/uploads/updates/2025-10-29/1523867_6465237_Untitled-24_updates.jpg
مایا پریٹ نے کم عرصے میں نمایاں کامیابی حاصل کی اور اس کے اشتہاری مہمات میں امیر گیلانی اور ماورا حسین جیسے معروف چہرے شامل رہے۔
حالیہ دنوں میں فائزہ ثقلین نے سوشل میڈیا پر مایا پریٹ پر اپنے ڈیزائنز کی نقل کرنے کا الزام لگایا اور مبینہ طور پر نقل شدہ ملبوسات کی تصاویر بھی شیئر کیں۔ https://jang.com.pk/assets/uploads/updates/2025-10-29/1523867_9652990_Untitled-23_updates.jpghttps://jang.com.pk/assets/uploads/updates/2025-10-29/1523867_7643922_Untitled-25_updates.jpg
انہوں نے کہا کہ مجھے مایا علی سے ذاتی طور پر بھی دکھ پہنچا ہے، کیونکہ وہ ایک وقت میں میری قریبی دوست تھیں۔
دوسری جانب، سوشل میڈیا پر صارفین کی مخلوط آراء سامنے آئی ہیں۔ کچھ صارفین کا کہنا ہے کہ ڈریسز کے رنگ ملتے جلتے ضرور ہیں مگر ڈیزائنز مختلف ہیں۔
کئی صارفین کا کہنا ہے کہ یہ روایتی مشرقی اسٹائلز ہیں جنہیں ہر ڈیزائنر اپنے انداز میں استعمال کرتا ہے۔
页:
[1]