قرضوں کا دباؤ کم کرنے کیلئے بھارتی حکومت کی اڈانی گروپ کو مالی معاونت فراہم کرنے کا انکشاف
https://jang.com.pk/assets/uploads/updates/2025-10-25/1522809_729877_News8_updates.jpgفوٹو بشکریہ بین الاقوامی میڈیا
بڑھتے قرضوں کی ادائیگی کا دباؤ کم کرنے کے لیے بھارتی حکومت کی جانب سے اڈانی گروپ کو مبینہ طور پر مالی معاونت فراہم کرنے کا انکشاف ہوا ہے۔
غیر ملکی میڈیا ’واشنگٹن پوسٹ‘ کے مطابق ایک تحقیقاتی رپورٹ کے ذریعے یہ بات سامنے آئی ہے کہ مودی حکومت نے ارب پتی صنعتکار گوتم اڈانی کی مالی مشکلات کم کرنے کے لیے ریاستی لائف انشورنس کارپوریشن （LIC） سے 3.9 ارب ڈالر کی خطیر رقم اِن کی کمپنیوں کو منتقل کی۔
رپورٹ میں انکشاف کیا گیا ہے کہ سرکاری اہلکاروں نے براہِ راست اس منصوبے کی نگرانی کی جس کے تحت اڈانی گروپ کو سرمایہ فراہم کیا گیا۔
واضح رہے کہ بھارت کے دوسرے امیر ترین شخص گوتم اڈانی پر گزشتہ سال امریکی حکام نے رشوت اور فراڈ کے الزامات عائد کیے تھے جس کے بعد مغربی بینکوں نے اِنہیں قرض دینے سے گریز کیا۔
页:
[1]