عاصم اظہر نے انسٹاگرام کو ’خدا حافظ‘ کہہ دیا
https://jang.com.pk/assets/uploads/updates/2025-10-28/1523559_6456346_2_updates.jpgفائل فوٹو
پاکستان کے معروف پاپ گلوکار عاصم اظہر نے اچانک اپنے انسٹاگرام اکاؤنٹ سے تمام پوسٹس ڈیلیٹ کر دیں۔
عاصم اظہر کئی مقبول گانوں سے شہرت حاصل کر چکے ہیں، انہوں نے یہ پیغام اپنی انسٹاگرام اسٹوری پر شیئر کیا، جس کے بعد مداحوں میں تشویش اور تجسس کی لہر دوڑ گئی، گلوکار نے اپنی اسٹوری میں صرف ایک مختصر مگر معنی خیز جملہ لکھا خدا حافظ۔ https://jang.com.pk/assets/uploads/updates/2025-10-28/1523559_1330792_Untitled-2_updates.jpg
جس کے فوراً بعد ان کی انسٹاگرام فیڈ صاف ہوگئی، اس غیر متوقع اقدام نے مداحوں کو حیران کر دیا اور سوشل میڈیا پر مختلف قیاس آرائیاں شروع ہو گئیں۔
فی الحال عاصم اظہر کے انسٹاگرام اکاؤنٹ پر کوئی پوسٹ موجود نہیں، جبکہان کی اسٹوری ’خدا حافظ‘ مداحوں کی توجہ کا مرکز بنی ہوئی، گلوکار کی جانب سے اس اقدام کی کوئی وضاحت یا بیان سامنے نہیں آیا۔ https://jang.com.pk/assets/uploads/updates/2025-10-28/1523559_5335213_Untitled-23_updates.jpg
دلچسپ بات یہ ہے کہ عاصم اظہر اس سے پہلے بھی 2024 میں اپنے البم بے مطلب کی ریلیز سے قبل تمام انسٹاگرام پوسٹس ڈیلیٹ کر چکے ہیں، بعد ازاں یہ عمل ایک مارکیٹنگ حکمتِ عملی ثابت ہوا جس کا مقصد مداحوں میں جوش و تجسس پیدا کرنا تھا۔
اسی روایت کے باعث مداح اب یہ سوال اٹھا رہے ہیں کہ آیا عاصم اظہر کا حالیہ ’خدا حافظ‘ پیغام کسی نئے البم، ری برانڈنگ یا ان کے ذاتی جذباتی مرحلے کی علامت ہے۔
页:
[1]