نئے سیاسی اتحاد کی تشکیل، سانائے تاکائچی کا جاپان کی پہلی خاتون وزیراعظم بننا یقینی
https://jang.com.pk/assets/uploads/updates/2025-10-19/1520880_1292159_9_updates.jpgفائل فوٹو
جاپان میں حکمران جماعت اور اپوزیشن کے درمیان اتحادی حکومت کے قیام پر اتفاق ہونے کے بعد سانائے تاکائچی کے لیے ملک کی پہلی خاتون وزیراعظم بننے کے امکانات روشن ہوگئے ہیں۔
جاپانی خبر رساں ادارے نے رپورٹ کیا ہے کہ حکمران لبرل ڈیموکریٹک پارٹی （ایل ڈی پی） کی سربراہ سانائے تاکائچی اور جاپان انوویشن پارٹی （جے آئی پی） کے رہنما ہیروفومی یوشیمورا پیر کے روز باضابطہ طور پر اتحاد کے معاہدے پر دستخط کریں گے۔
تاکائچی نے رواں ماہ کے آغاز میں ایل ڈی پی کی قیادت سنبھالی تھی، تاہم ان کا وزیراعظم بننے کا خواب اُس وقت مؤخر ہوگیا جب حکمران اتحاد ٹوٹ گیا، اب ایل ڈی پی نے نئی سیاسی صف بندی کے ذریعے دوبارہ اقتدار کا راستہ ہموار کرلیا ہے۔
جاپانی میڈیا کے مطابق ایل ڈی پی نے سانائے تاکائچی کو اتحادی حکومت کے معاملات طے کرنے کی ذمہ داری سونپی ہے، جبکہ جے آئی پی اتوار کو اوساکا میں اپنی ایگزیکٹو میٹنگ اور پیر کو ارکانِ پارلیمان کا اجلاس منعقد کرے گی، جس کے بعد معاہدے کی حتمی منظوری دی جائے گی۔ https://jang.com.pk/assets/uploads/updates/2025-10-04/1516253_010946_updates.jpg
جاپان میں تبدیلی آگئی، پہلی ممکنہ خاتون وزیرِاعظم کا نام سامنے آگیا
جاپان کی حکمران جماعت لبرل ڈیموکریٹک پارٹی نے سانائے تکائچی کو نیا لیڈر منتخب کرلیا۔https://jang.com.pk/assets/front/images/jang-icons/16x16.png
یہ پیش رفت ایسے وقت میں سامنے آئی ہے جب ایل ڈی پی کی اتحادی جماعت کومیتو پارٹی نے 26 سال بعد حکومت سے علیحدگی اختیار کرلی تھی، جس سے ملک میں سیاسی بحران پیدا ہوگیا تھا۔
اگر یہ اتحاد کامیاب رہتا ہے تو سانائے تاکائچی جاپان کی تاریخ میں پہلی خاتون وزیراعظم بننے کا اعزاز حاصل کرلیں گی جو جاپانی سیاست میں ایک تاریخی سنگِ میل سمجھا جارہا ہے۔
页:
[1]