کوہستان کرپشن اسکینڈل، گرفتار ٹھیکیدار مزید 6 روزہ جسمانی ریمانڈ پر نیب کے حوالے
https://jang.com.pk/assets/uploads/updates/2025-10-17/1520379_4342110_court_updates.jpg—فائل فوٹو
پشاور کی احتساب عدالت میں اپر کوہستان مالی اسکینڈل میں گرفتار ٹھیکیدار کو پیش کر دیا گیا۔
عدالت نے ملزم کو مزید 6 روز کے جسمانی ریمانڈ پر نیب کے حوالے کر دیا۔
دورانِ سماعت تفتیشی افسر نے بتایا کہ ملزم کو کوہستان کرپشن اسکینڈل میں حراست میں لیا گیا تھا، ملزم پہلے 8 روزہ جسمانی ریمانڈ پر تھا۔ https://jang.com.pk/assets/uploads/updates/2025-07-19/1492391_112340_updates.jpg
40 ارب روپے کا کوہستان میگا کرپشن اسکینڈل، 7 اہم ملزمان گرفتار
گرفتار افراد میں 2 سرکاری افسر، 2 بینکرز اور 3 ٹھیکیدار شامل ہیں https://jang.com.pk/assets/front/images/jang-icons/16x16.png
تفتیشی افسر نے عدالت کو بتایا کہ دورانِ تفتیش پتہ چلا کہ ملزم کے بینک اکاؤنٹس میں بھاری رقم منتقل ہوئی ہے، ملزم کے منقولہ اور غیر منقولہ اثاثے بھی نکل آئے ہیں۔
تفتیشی افسر نے بتایا کہ گرفتار دیگر ملزمان کی نشاندہی پر نیب نے ملزم کو تحقیقات میں شامل کیا، ملزم روپوش تھا، اب اس کی گرفتاری عمل میں لائی گئی ہے۔
تفتیشی افسر نے استدعا کی کہ ملزم سے تفتیش مکمل نہیں ہوئی، مزید جسمانی ریمانڈ پر حوالے کیا جائے۔
پشاور کی احتساب عدالت نے تفتیشی افسر کی استدعا منظور کرتے ہوئے ملزم کے جسمانی ریمانڈ میں مزید 6 روز کی توسیع کر دی۔
页:
[1]