پیوٹن اور ٹرمپ کی ٹیلی فونک گفتگو خوشگوار اور دوستانہ ماحول میں ہوئی: معاون روسی صدر
https://jang.com.pk/assets/uploads/updates/2025-10-17/1520347_938650_Yuri-Ushakov-Putin-Aide_updates.jpgروسی صدر کے معاون یوری اوشاکوف—تصویر بشکریہ غیر ملکی میڈیا
روسی صدر کے معاون یوری اوشاکوف نے کہا ہے کہ صدر پیوٹن اور امریکی صدر ٹرمپ کی گفتگو خوشگوار اور دوستانہ ماحول میں ہوئی جس میں غزہ اور یوکرین سمیت اہم امور زیر بحث آئے۔
غیرملکی میڈیا کے مطابق روسی صدر ولادمیر پیوٹن کے معاون خصوصی برائے خارجہ امور یوری اوشاکوف نے بتایا ہے کہ روسی صدرنے امریکی صدر ڈونلڈ ٹرمپ کو غزہ کی صورتحال معمول پر لانے پر مبارکباد دی اور کہا کہ مشرقِ وسطیٰ کے تنازعات کا پائیدار حل عالمی قانونی بنیادوں پر ہی ممکن ہے۔https://jang.com.pk/assets/uploads/updates/2025-08-16/1500977_125501_updates.jpg
ٹرمپ روسی صدر پیوٹن سے مذاکرات کیلئے الاسکا پہنچ گئے
امریکی صدر ٹرمپ روسی صدر پیوٹن سے مذاکرات کے لیے امریکی ریاست الاسکا پہنچ گئے ہیں، پیوٹن بھی الاسکا پہنچ گئے ہیں۔https://jang.com.pk/assets/front/images/jang-icons/16x16.png
انہوں نے بتایا کہ روسی صدر اور امریکی صدر کے درمیان ٹیلیفونک گفتگو ڈھائی گھنٹے تک جاری رہی جس میں یوکرین کی صورتحال پر بھی تفصیلی تبادلہ خیال ہوا، روسی صدر نے واضح کیا کہ روس سیاسی و سفارتی ذرائع سے یوکرین تنازع کے پُرامن حل کا خواہاں ہے اور روسی افواج محاذ جنگ پر مکمل تزویراتی برتری رکھتی ہیں جبکہ یوکرین کی حکومت شہری مقامات اور توانائی ڈھانچے کو نشانہ بنا رہی ہے۔
ان کا کہنا تھا کہ اس موقع پر ٹرمپ نے یوکرین میں جلد جنگ بندی اور امن کے قیام کی ضرورت پر زور دیا۔
页:
[1]